Election Voter Camp

Publish Date : 17/11/2023

செ.வெ.எண்:-39/2023

நாள்: 16.11.2023

திண்டுக்கல் மாவட்டம்

அனைத்து வாக்குச்சாவடி மையங்களிலும் வருகின்ற 18.11.2023 மற்றும் 19.11.2023 ஆகிய நாட்களில் நடைபெற இருந்த வாக்காளர் சிறப்பு சுருக்கமுறை திருத்தம் 2024-க்கான சிறப்பு முகாம் வரும் 25.11.2023 மற்றும் 26.11.2023 ஆகிய தேதிகளுக்கு மாற்றம் செய்யப்பட்டுள்ளது – மாவட்ட ஆட்சித்தலைவர் திருமதி மொ.நா.பூங்கொடி, இ.ஆ.ப., அவர்கள் தகவல்.

திண்டுக்கல் மாவட்டத்தில் உள்ள 7 சட்டமன்றத் தொகுதிகளிலும் 01.01.2024-ஆம் தேதியை தகுதி நாளாகக் கொண்டு வாக்காளர் பட்டியல் சிறப்பு சுருக்கமுறை திருத்த பணிகள் 27.10.2023 முதல் நடைபெற்று வருகிறது.

மேலும், அனைத்து வாக்குச்சாவடி மையங்களிலும் வருகின்ற 18.11.2023 சனிக்கிழமை மற்றும் 19.11.2023 ஞாயிற்றுகிழமை ஆகிய நாட்களில் நடைபெற இருந்த வாக்காளர் சிறப்பு சுருக்கமுறை திருத்தம் 2024-க்கான சிறப்பு முகாம் இந்திய தேர்தல் ஆணையத்தின் வழிகாட்டுதல்களின்படி வரும் 25.11.2023(சனிக்கிழமை) மற்றும் 26.11.2023(ஞாயிற்றுக்கிழமை) ஆகிய தேதிகளுக்கு மாற்றம் செய்யப்பட்டுள்ளது. இச்சிறப்பு முகாம்களில் புதிதாக பெயர் சேர்த்தல், நீக்கம், முகவரி மாற்றம், முகவரி திருத்தம் செய்வதற்கான விண்ணப்பங்கள் பெற்றுக்கொள்ளப்படும்.

எனவே, பொதுமக்கள் மேற்கண்ட சிறப்பு முகாம் நடைபெறும் 25.11.2023 (சனிக்கிழமை) மற்றும் 26.11.2023 (ஞாயிற்றுகிழமை) ஆகிய நாட்களில் தற்போது வெளியிடப்பட்டுள்ள வாக்காளர் பட்டியலில் தங்களது பெயர்களை சரிபார்த்துக்கொள்ளலாம். மேலும், புதிதாக பெயர் சேர்த்தல், நீக்கம், முகவரி மாற்றம், முகவரி திருத்தம் செய்ய விரும்புவர்கள் இந்த வாய்ப்பினை முழுமையாகப் பயன்படுத்திக்கொள்ளலாம், என திண்டுக்கல் மாவட்ட ஆட்சித்தலைவர் திருமதி மொ.நா.பூங்கொடி, இ.ஆ.ப., அவர்கள் தெரிவித்துள்ளார்.

செய்தி வெளியீடு:- செய்தி மக்கள் தொடர்பு அலுவலர், திண்டுக்கல்.