Close

Employment – MEGA JOB FAIR

Publish Date : 30/05/2022

செ.வெ.எண்:-56/2022

நாள்:30.05.2022

திண்டுக்கல் மாவட்டம்

ஒட்டன்சத்திரம் கிறிஸ்துவப் பொறியியல் கல்லூரியில் 04.06.2022 அன்று மாபெரும் தனியார்துறை வேலைவாய்ப்பு முகாம் நடைபெற உள்ளது – மாவட்ட ஆட்சித்தலைவர் முனைவர் ச.விசாகன், இ.ஆ.ப., அவர்கள் தகவல்.

திண்டுக்கல் மாவட்ட நிர்வாகம், மாவட்ட வேலைவாய்;ப்பு மற்றும் தொழில்நெறி வழிகாட்டும் மையம், திண்டுக்கல் மற்றும் தமிழ்நாடு மாநில ஊரக வாழ்வாதார இயக்கம் சார்பில் மாபெரும் தனியார்துறை வேலைவாய்ப்பு முகாம் 04.06.2022 அன்று (சனிக்கிழமை) ஒட்டன்சத்திரம் கிறிஸ்துவப் பொறியியல் கல்லூரியில் நடைபெற உள்ளது.

இத்தனியார்துறை வேலைவாய்ப்பு முகாமில் 400-க்கும் அதிகமான வேலையளிப்பவர்கள் கலந்து கொண்டு, 8,000-க்கும் மேற்பட்ட வேலைநாடுநர்களை தேர்வு செய்ய உள்ளனர். எனவே ஐந்தாம் வகுப்பு முதல் எஸ்.எஸ்.எல்.சி., பிளஸ் 2, பொறியியல், டிப்ளமோ, பி.எட்., ஐ.டி.ஐ., கணினி தகுதி, ஓட்டுநர் தகுதி உள்ளிட்ட பல்வேறு கல்வித் தகுதிகளை உடைய மனுதாரர்கள் கலந்துகொண்டு தனியார்துறை நிறுவனங்களில் வேலைவாய்ப்பு பெறலாம்.

மேலும், இம்முகாமில் வேலைவாய்ப்பு மற்றும் தொழில்நெறி வழிகாட்டும் மையத்தில் பதிவு செய்து ஐந்தாண்டுகளுக்கு மேல் காத்திருக்கும் வேலைவாய்ப்பற்ற இளைஞர்களுக்கான உதவித்தொகை விண்ணப்பம் தகுதிக்குட்பட்டு வழங்கப்படும். அரசின் திறன் மேம்பாட்டு பயிற்சிக்கான பதிவும் நடைபெறும். அயல்நாட்டில் வேலைவாய்ப்பு குறித்த ஆலோசனைகளும், சுயவேலைவாய்ப்பு கடனுதவி திட்டங்கள் குறித்தும், வங்கிகளில் கடனுதவி வசதிகள் குறித்தும் வழிகாட்டுதல்களும் வழங்கப்படும்.

எனவே, படித்த வேலைவாய்ப்பற்ற இளைஞர்கள் இம்மாபெரும் தனியார்துறை வேலைவாய்ப்பு முகாமில் அதிக அளவில் பங்கு கொண்டு தனியார்துறையில் வேலைவாய்ப்பு பெற்று பயன்பெறலாம். வேலைநாடுநர்கள் அனைவரும் தவறாது முகக்கவசம் மற்றும் சமூக இடைவெளியுடன் கலந்து கொள்ளுமாறும் கேட்டுக் கொள்ளப்படுகிறார்கள். மேலும் விவரங்களுக்கு 9499055924 என்ற தொலைபேசி எண்ணை தொடர்புகொண்டு தெரிந்துகொள்ளலாம் என மாவட்ட ஆட்சித்தலைவர் முனைவர் ச.விசாகன், இ.ஆ.ப., அவர்கள் தெரிவித்துள்ளார்.

செய்தி வெளியீடு:- செய்தி மக்கள் தொடர்பு அலுவலர், திண்டுக்கல்.