The Hon’ble Food and Civil Supply Minister – Natham Sports – vehicle – Function

Publish Date : 11/03/2025

செ.வெ.எண்:-15/2025

நாள்:-05.03.2025

திண்டுக்கல் மாவட்டம்

மாண்புமிகு உணவு மற்றும் உணவுப்பொருள் வழங்கல் துறை அமைச்சர் திரு.அர.சக்கரபாணி அவர்கள், நத்தம் ஊராட்சி ஒன்றியத்திற்குட்பட்ட 23 கிராம ஊராட்சிகளுக்கு ரூ.23.21 இலட்சம் மதிப்பீட்டிலான டாக்டர் கலைஞர் விளையாட்டு உபகரணங்கள் மற்றும் ரூ.1.08 கோடி மதிப்பீட்டில் 43 மின்கலன் வண்டிகள் ஆகியவற்றை வழங்கினார்.

மாண்புமிகு உணவு மற்றும் உணவுப்பொருள் வழங்கல் துறை அமைச்சர் திரு.அர.சக்கரபாணி அவர்கள், திண்டுக்கல் மாவட்டம், நத்தம் ஊராட்சி ஒன்றியம், வேலம்பட்டி ஊராட்சி சமுதாயக் கூடத்தில் இன்று(05.03.2025) நடைபெற்ற விழாவில், டாக்டர் கலைஞர் விளையாட்டு உபகரணங்கள் மற்றும் மின்கலன் வாகனங்கள் வழங்கினார்.

விழாவில், மாண்புமிகு உணவு மற்றும் உணவுப்பொருள் வழங்கல் துறை அமைச்சர் அவர்கள், கிராமப்புற இளைஞர்களின் விளையாட்டுத் திறனை மேம்படுத்திடும் விதமாக டாக்டர் கலைஞர் விளையாட்டு உபகரணங்கள் நத்தம் ஊராட்சி ஒன்றியத்திற்குட்பட்ட 23 கிராம ஊராட்சிகளுக்கு ரூ.23.21 இலட்சம் மதிப்பீட்டில் 33 விளையாட்டு உபகரணங்கள் அடங்கிய தொகுப்புகள், துாய்மை பாரத இயக்கம்(ஊரகம்) மற்றும் 15வது நிதிக்குழு மானியத்தில் கிராம ஊராட்சிகளில் திடக்கழிவு மேலாண்மை பணிகளை சிறப்பாக மேற்கொள்ள 23 ஊராட்சிகளுக்கு மொத்தம் ரூ.1.08 கோடி மதிப்பீட்டில் 43 மின்கலன் வண்டிகள் ஆகியவற்றை வழங்கினார்.

இவ்விழாவில், உதவி இயக்குநர்(ஊராட்சிகள்) திரு.ஐ.நாகராஜன், நத்தம் வட்டார வளர்ச்சி அலுவலர்(வ.ஊ.) திரு.பா.குமாரவேலு, நத்தம் வட்டாட்சியர் திரு.பாண்டியராஜன் மற்றும் துறை அலுவலர்கள் பலர் கலந்துகொண்டனர்.

செய்தி வெளியீடு:- செய்தி மக்கள் தொடர்பு அலுவலர், திண்டுக்கல்.