TNSRLM – Chennai – Exhibition

செ.வெ.எண்:-41/2023

நாள்:-26.04.2023

திண்டுக்கல் மாவட்டத்தில், மண்டல அளவிலான சாராஸ் மேளாவில் கலந்து கொண்டு உற்பத்திப் பொருட்களை விற்பனை செய்வதற்கு விருப்பமுள்ள மகளிர் சுய உதவிக்குழுக்கள் தாங்கள் உற்பத்தி செய்யப்படும் பொருட்களின் விவரத்தினை இணைய தொடரில் பதிவேற்றம் செய்து பயன்பெறலாம் – மாவட்ட ஆட்சித்தலைவர் முனைவர் ச.விசாகன், இ.ஆ.ப., அவர்கள் தகவல்.

தமிழ்நாடு மாநில ஊரக வாழ்வாதார இயக்கத்தின் மூலம் மகளிர் சுய உதவிக்குழுக்களின் உற்பத்தி பொருட்களை சந்தைப்படுத்துவற்கு ஏதுவாக ஒவ்வொரு ஆண்டும் மண்டல அளவிலான கண்காட்சிகள் நடத்தப்பட்டு வருகிறது. அதன் ஒரு பகுதியாக 2023-24ம் ஆண்டிற்கான மண்டல அளவிலான சாராஸ் மேளா 29.04.2023 முதல் 15.05.2023 வரை சென்னை தீவுத்திடலில் நடைபெறவுள்ளது.

அதனப்படையில், திண்டுக்கல் மாவட்டம், தமிழ்நாடு மாநில ஊரக வாழ்வாதார இயக்கத்தில் கீழ் செயல்படும் மகளிர் சுய உதவிக்குழுக்களை தேர்வு செய்யப்படவுள்ளதால், மண்டல அளவிலான சாராஸ் மேளாவில் கலந்து கொண்டு உற்பத்திப் பொருட்களை விற்பனை செய்வதற்கு விருப்பமுள்ள திண்டுக்கல் மாவட்டத்தைச் சேர்ந்த மகளிர் சுய உதவிக்குழுக்கள் தாங்கள் உற்பத்தி செய்யப்படும் பொருட்களின் விவரத்தினை https://exhibition.mathibazaar.com/login என்ற இணைய தொடரில் பதிவேற்றம் செய்து பயன்பெறலாம்.

மேலும், விபரங்களுக்கு தொலைபேசி எண்: 0451-2460050 வாயிலாக சம்பந்தப்பட்ட அலுவலர்களை தொடர்பு கொண்டு தெரிந்துகொள்ளலாம் என மாவட்ட ஆட்சித்தலைவர் முனைவர் ச.விசாகன், இ.ஆ.ப., அவர்கள் தெரிவித்துள்ளார்.

செய்தி வெளியீடு:- செய்தி மக்கள் தொடர்பு அலுவலர், திண்டுக்கல்.