மகளிர் சுயஉதவிக்குழுவிற்கு மணிமேகலை விருதுகளை மாவட்ட ஆட்சித்தலைவர் திருமதி மொ.நா.பூங்கொடி, இ.ஆ.ப., அவர்கள் வழங்கினார்.

செ.வெ.எண்:-66/2025

நாள்:-28.01.2025

திண்டுக்கல் மாவட்டம்

மகளிர் சுயஉதவிக்குழுவிற்கு மணிமேகலை விருதுகளை மாவட்ட ஆட்சித்தலைவர் திருமதி மொ.நா.பூங்கொடி, இ.ஆ.ப., அவர்கள் வழங்கினார்.

மாண்புமிகு தமிழ்நாடு துணை முதலமைச்சர் திரு.உதயநிதி ஸ்டாலின் அவர்களால் ஊரக வளர்ச்சி மற்றும் ஊராட்சித் துறையின் தமிழ்நாடு மகளிர் மேம்பாட்டு நிறுவனம் சார்பில் மாநில அளவில் 2022-2023ம் ஆண்டிற்கான மணிமேகலை விருதுகள் வழங்கும் விழா சென்னை கலைவாணர் அரங்கில் 30.09.2024 அன்று நடைபெற்றது.

அதனைத் தொடர்ந்து, திண்டுக்கல் மாவட்டம், ஒட்டன்சத்திரம் நகராட்சியை சேர்ந்த தும்மிச்சம்பட்டி பகுதி அளவிலான கூட்டமைப்பிற்கும், திண்டுக்கல் மாநகராட்சியை சேர்ந்த புனித அந்தோணியார் மகளிர் சுயஉதவிக்குழுவிற்கும் மற்றும் பழனி நகராட்சியை சேர்ந்த தீபஸ்ரீமகளிர் சுயஉதவிக்குழுவிற்கும் மணிமேகலை விருதுகளை திண்டுக்கல் மாவட்ட ஆட்சியர் அலுவலக கூட்டரங்கில் நடைபெற்ற நிகழ்ச்சியில் மாவட்ட ஆட்சித்தலைவர் திருமதி மொ.நா.பூங்கொடி, இ.ஆ.ப., அவர்கள் வழங்கினார்.

அதன்படி, தும்மிச்சம்பட்டி பகுதி அளவிலான கூட்டமைப்பிற்கு ரூ.1,00,000-க்கான வரைவோலை, கேடயம் மற்றும் சான்றிதழ், புனித அந்தோணியார் மகளிர் சுயஉதவிக்குழு மற்றும் தீபஸ்ரீமகளிர் சுயஉதவிக்குழு ஆகியோருக்கு தலா ரூ.25,000-க்கான வரைவோலை, கேடயம் மற்றும் சான்றிதழ்கள் வழங்கப்பட்டது.

இந்நிகழ்ச்சியில் தமிழ்நாடு மாநில ஊரக வாழ்வாதார இயக்கம் திட்ட இயக்குநர் திரு.சா.சதீஸ்பாபு, உதவித்திட்ட அலுவலர்கள் மற்றும் பலர் கலந்துகொண்டனர்.

செய்தி வெளியீடு:- செய்தி மக்கள் தொடர்பு அலுவலர், திண்டுக்கல்.