The Hon’ble CM VC The Hon’ble Food and Civil Supply Minister – Keeranur Temple – Function

செ.வெ.எண்:-25/2024

நாள்:-13.11.2024

திண்டுக்கல் மாவட்டம்

மாண்புமிகு தமிழ்நாடு முதலமைச்சர் திரு.மு.க.ஸ்டாலின் அவர்கள், கீரனூர் அருள்மிகு வாகீஸ்வரர் திருக்கோயிலில் ரூ.3.80 கோடி மதிப்பீட்டில் புதிய திருமண மண்டபம் கட்டும் பணியை தலைமைச் செயலகத்தில் இருந்து காணொளி வாயிலாக தொடங்கி வைத்தார். அதனைத் தொடர்ந்து, கீரனூரில் நடைபெற்ற விழாவில் மாண்புமிகு உணவு மற்றும் உணவுப்பொருள் வழங்கல் துறை அமைச்சர் திரு.அர.சக்கரபாணி அவர்கள் கலந்துகொண்டார்.

மாண்புமிகு தமிழ்நாடு முதலமைச்சர் திரு.மு.க.ஸ்டாலின் அவர்கள் இன்று (13.11.2024) தலைமைச் செயலகத்தில், இந்து சமய அறநிலையத்துறை சார்பில் ரூ.190.40 கோடி மதிப்பீட்டில் 18 திருக்கோயில்களில் 25 புதிய திட்டப் பணிகள் மற்றும் 4 அலுவலகக் கட்டடங்களுக்கு அடிக்கல் நாட்டி, ரூ.42.75 கோடி செலவில் 15 திருக்கோயில்களில் 25 முடிவுற்ற திட்டப் பணிகள் மற்றும் 2 அலுவலகக் கட்டடங்களை காணொலிக் காட்சி வாயிலாக திறந்து வைத்தார். அதன்படி, திண்டுக்கல் மாவட்டம், பழநி அருள்மிகு தண்டாயுதபாணி சுவாமி திருக்கோயிலின் உபகோயிலான கீரனூர் அருள்மிகு வாகீஸ்வரர் திருக்கோயிலில் ரூ.3.80 கோடி மதிப்பீட்டில் புதிய திருமண மண்டபம் கட்டும் பணியை காணொளி வாயிலாக மாண்புமிகு தமிழ்நாடு முதலமைச்சர் அவர்கள் தொடங்கி வைத்தார்.

அதனைத்தொடர்ந்து, கீரனூர் அருள்மிகு வாகீஸ்வரர் திருக்கோயிலில் நடைபெற்ற விழாவில் மாண்புமிகு உணவு மற்றும் உணவுப் பொருள் வழங்கல் துறை அமைச்சர் திரு.அர.சக்கரபாணி அவர்கள் கலந்து கொண்டு, பணிகளை தொடங்கி வைத்தார்.

இவ்விழாவில், பழநி சார்-ஆட்சியர் திரு.கிஷன்குமார், இ.ஆ.ப., தொப்பம்பட்டி ஊராட்சி ஒன்றியக்குழுத் தலைவர் திருமதி சத்தியபுவனா இராஜேந்திரன், திண்டுக்கல் இந்து சமய அறநிலையத்துறை இணை ஆணையர் திரு.கார்த்திக், பழநி அருள்மிகு தண்டாயுதபாணி சுவாமி திருக்கோயில் துணை ஆணையர் திரு.வெங்கடேசன், உதவி ஆணையர் திருமதி இலட்சுமி, கீரனுார் பேரூராட்சி தலைவர் திரு.கருப்பசாமி, துணைத்தலைவர் திரு.அப்துல்சுப்பு, நிர்வாக அலுவலர் திருமதி அன்னலட்சுமி, கீரனுார் தொடக்க வேளாண்மை கூட்டுறவு கடன் சங்கத் தலைவர் திரு.அரிகரசுதன், முக்கிய பிரமுகர் திரு.சுப்பிரமணியன், செயற்பொறியாளர் திரு.பிரேம்குமார், உதவி செயற்பொறியாளர் திரு.கண்ணன், உதவிப்பொறியாளர்கள் முத்துராஜா, அரசு அலுவலர்கள், உள்ளாட்சி அமைப்புகளின் பிரதிநிதிகள், பொதுமக்கள் கலந்து கொண்டனர்.

செய்தி வெளியீடு:- செய்தி மக்கள் தொடர்பு அலுவலர், திண்டுக்கல்.