DADWO-Career Guidance – Notification

செ.வெ.எண்:-73/2025

நாள்:-27.03.2025

திண்டுக்கல் மாவட்டம்

திண்டுக்கல் மாவட்ட ஆட்சியர் அலுவலக கூட்டரங்கில் “என் கல்லுாரிக் கனவு” உயர்கல்வி வழிகாட்டு ஆலோசனை முகாம் 30.03.2025 அன்று நடைபெற உள்ளது – மாவட்ட ஆட்சித்தலைவர் திரு.செ.சரவணன், இ.ஆ.ப., அவர்கள் தகவல்.

திண்டுக்கல் மாவட்டம், ஆதிதிராவிடர் மற்றும் பழங்குடியினர் நலத் துறை மூலம் ஆதிதிராவிடர் இன மாணவர்களின் உயர் கல்வி சேர்க்கை விகிதத்தினை உயர்த்தும் நோக்கத்தோடு ஆதிதிராவிடர் மற்றும் பழங்குடியினர் நல பள்ளிகள் மற்றும் விடுதிகளில் தங்கி பயிலும் 12-ஆம் வகுப்பு மாணாக்கர்களுக்கு தொழில் மற்றும் வேலைவாய்ப்பு அதிகமுள்ள படிப்புகள் மற்றும் அப்படிப்புகளை வழங்கும் கல்வி நிறுவனங்கள் குறித்து “என் கல்லுாரிக் கனவு” உயர்கல்வி வழிகாட்டு ஆலோசனை முகாம் (Career Guidance) திண்டுக்கல் மாவட்ட ஆட்சியர் அலுவலக கூட்டரங்கில் 30.03.2025 அன்று காலை 9.00 மணி முதல் மாலை 4.00 மணி வரை நடைபெற உள்ளது.

இந்த முகாமில், அரசு ஆதிதிராவிடர் மற்றும் பழங்குடியினர் நல பள்ளிகள், அரசு பள்ளிகள், அரசு உதவிபெறும் பள்ளிகள் மற்றும் விடுதிகளில் தங்கி பயிலும் 12-ஆம் வகுப்பு ஆதிதிராவிடர் மற்றும் பழங்குடியினர் மாணாக்கர்களுக்கு தொழில் மற்றும் வேலைவாய்ப்பு அதிகமுள்ள படிப்புகள் மற்றும் அப்படிப்புகளை வழங்கும் கல்வி நிறுவனங்கள் குறித்து “என் கல்லுாரி கனவு” என்ற தலைப்பின்கீழ் ஆலோசனை முகாம் வழங்கப்பட உள்ளது. இந்த முகாமில் மாணவ, மாணவிகள் கலந்து கொண்டு பயன்பெறலாம், என மாவட்ட ஆட்சித்தலைவர் திரு.செ.சரவணன், இ.ஆ.ப., அவர்கள் தெரிவித்துள்ளார்.

செய்தி வெளியீடு:- செய்தி மக்கள் தொடர்பு அலுவலர், திண்டுக்கல்.